السلام عليكم ورحمة الله وبركاته
اخواني
ولله الحمد اشتريت سياره قبل كم يوم من دولة الامارات العربيه المتحده
وهي لكزس GS 430 مديل 2008
وقبل ماارجع للسعوديه
قلت خلني امر على شركة الفطيم الوكيل لسيارات تويوتا ولكزس
علشان اشتري بعض القطع الاستهلاكيه للسياره
من فلاتر و بريكات وغيره
المهم
طبعا انا كلمني واحد من اخوياي
واوصاني بهذي الوصيه
ان اشتري من الامارات لانها الارخص
طبعا انا اعرف
بأن شركة عبداللطيف جميل اذا دخلت سيارتك اللكزس للصيانه
وطلبت تغيير قماشات ( البريك ) ياخذ منك تقريبا 1200 ريال
انا توقعت ان الامارات راح اشتري البريكات ب ب 800 درهم او 600 درهم
اقسم بالله ياشباااب اني ماني مصدق اللي شفته
طبعا انا مستبعد اني راح اشوف القطع نازله عن السعوديه بشكل كبير
فدخلت الوكيل
وقلت له
ابغى بريكات اماميه وخلفيه وجميع الفلاتر وبواجي
المهم
قال لي موضف الاستقبال ان القطع المتوفره حاليا فقط البريكات الاماميه والخلفيه وفلتر البنزين
وقال لي تعال بكره استلم الباقي الان الوكاله كانت راح تقفل
المهم انا قلت له مو مشكله انتا عطني الحين المتوفر والباقي مو لازم
لاني كنت راح ارجع للسعوديه في نفس اليوم
المهم
جاب لي القطع
وبعدها انا اصبت بالذهوووول
والله اني سئلة الموضف
اقول هذا السعر بالدرهم ولا بالدولااار ههههههههههههه
والله من جد انا اتكلم
ماني مصدق اللي شايف
اقسم بالله ياجماعه
بريكات اماميه وخلفيه وفلتر بنزين
480 درهم
اقسم بالله سيارتي القديمه لكزس موديل 98
البريكات الاماميه فقط ب 600ريال في السعودية
وهذا سياره موديل جديد
واماميه وخلفيه وفلتر
فقط ب 480 درهم
البريكات الاماميه والله العظيم ب 150 درهم
ايش رئيكم
هل الامارات لها معامله خاصه ؟؟؟؟؟؟؟؟
مع العلم ان السعوديه من اكبر الدول في بيع سيارات تويوتا
هل ابو جميل لديه حصانه ؟؟؟؟
لماذا لا يحاسب
اقسم بالله ياشباااب
هذي قصه اخرى
وحصلت قدامي
واحد من اصحابي يبغى يشتري لكزس مستخدم من شركة عبداللطيف جميل مديل 2007
ولما دخلنا وكلمنا موظف المبيعات المستعمل
وبتحديد في فرع الخبر
طلبنا من الموظف تقرير بسياره وفحصها من جديد
فاخبرنا
بان الصيانه سوف تضع المشكلااات الصغيره
وان الصيانه كذابه
مثلا
البريكات فيها نص العمر
راح يكتب في التقرير تغيير
واذا كان السياره تحتاج ميزان اذرعه سوف يكتب في التقرير تحتاج تغيير اذرعه
فانا قلت له بكل تعجب معقووووووول
فقال لي اكيـــــــــــد
وبالحرف الواحد كما قال ((( كيف يحقق الهدف المطلوب من المهندس ))
تخيلووو ياشباااااب
مطلووووب من موظفين الصيانه
target او الهدف
انتبهو منهم ياشباااااب
اللي يبغى يتاكد من اسعاار القطع
يتصل على 905
ويطلب رقم استعلامات الشارقه او دبي
ويتصل ويطلب رقم الفطيم وكيل تويوتا ولكزس
ويتاكد
الحذر ياشباااب
على فكره
انا الان سيارتي تحتاااج قطعه وهي الكليبر
ولقد فجعة عندما سالت الوكاله واخبروووني بان قيمتها 2400 ريال اليمين واليسار
وكان في احد اصحابي سوف يذهب
للامارات
اقسم بالله شي غير معقووول
لقيت القطعه في الامارات ب
450 درهم
يعني القطعتين ب 900 درهم
واعذروني على الاطاله
منقوول للفائده
الرئيسية 